Panoorin:Idol Raffy Tulfo, Ibinebenta ang mamahaling koleksyon ng sapatos at damit para sa isang charity donation

Matapang, matulungin, matikas at may alam sa batas, ilan lamang ito sa mga katangian ng binansagang “Idol in Aksyon” na si Raffy Tulfo.

Sa paglipas nga ng mahabang panahon ay marami na rin siyang natulungan at napatunayan sa publiko lalo na ang kaniyang pagtulong sa mga Pilipino. Kaya naman hindi nakakapagtaka na dumami ng dumami ang kaniyang mga tagahanga.

Maliban sa kaniyang trabaho sa media ay abala rin si Raffy sa paggawa ng mga vlogs para sa sariling Youtube channel na ngayon ay mayroon ng umaabot sa mahigit 19 milyong subscribers!

Nakilala rin ang reporter at host na si Raffy Tulfo sa kaniyang hilig sa pagkolekta ng magaganda at de-kaledad na mga sapatos at damit na madalas ay ginagamit niya sa set.

Ayon sa kwento ni Idol, noon ay wala siyang sariling damit at ang kaniya lang ginagamit ay mula sa mga ibinigay ng kamag-anak o di kaya naman ay napag-liitan ng kaniyang nakakatandang kapatid.

Naging suki na nga daw siya ng patahian dahil madalas siyang bumisita doon upang ipaayos at paliitan ang mga bigay na damit at pantalon.

Inamin rin ni Raffy na noong nanliligaw pa lang ito sa kaniyang asawa na si Congresswoman Jocelyn Pua-Tulfo ay hiniram niya lang lahat ng kaniyang gamit magmula sa sapatos, pantalon, damit at maging relo ng kaniyang Kuya Ben ay nahiram niya rin.

NARIRITO ANG VIDEO PANOORIN: