Ama, napilitang manlinos sa kalsada matapos abandunahin ng mga anak

Para mabuhay araw-araw, napilitan ang isang matandang lalaki na mamalimos sa kalsada matapos pabayaan ng sarili nitong mga anak.

Kwento ni Tatay Eddie Gabriel, mag-isa na lamang siyang namumuhay at namamalimos na lamang upang kahit papaano ay makabili ng bigas bilang pagkain.

Aniya, nasa Cotabato at Davao ang kaniyang mga anak. Bagama't may mga supling, wala raw pakialam sa kaniya ang mga ito kung kaya napilitan siyang mamalimos sa hirap ng buhay.

"Pinalaki ko sila, pinabayaan nila ako," sabi ng matanda.

Dating karpintero si Tatay Eddie, ngunit dahil na rin edad at pagkalabo ng mata  ay hindi na rin ito makapagtrabaho.